Men Steiner ed Aita Biert

Biographie

Aita Biert e Men Steiner èn oriundamain da Scuol. Aita è magistra da clavazin e terapeuta da musica. Sco uffant udiva ella savens a chantar a ses bab, Cla Biert, a sia mamma Angelica ed a sia onda Stasia, e la chanzun populara rumantscha è daventada per ella in stgazi tut spezial ed ella ha scuvert il bel effect da las melodias simplas.
Men Steiner e stà magister e redactur tar RTR, ha sunà blers onns tar ils Fränzlis da Tschlin ed er cun autras furmaziuns. El era in grond amatur da las chanzuns popularas da Men Rauch e perquai ha el er emprais a sunar la ghitarra.
La fin dals onns 60 era Men Steiner a Turitg per ses studi da magister secundar e pli tard per dar scola, e durant quels onns ha el suna savens tar inscunters da students en la «Öpfelchammer».
Pli tard era Men savens sin visita tar ils Bierts che abitavan lura er a Cuira, per chantar e sunar la ghitarra, ed el preschentava er sias atgnas chanzuns. Aita e Men han lura cumenzà a chantar sco duo.
Ils emprims concerts
In dals emprims è sta il 1976 en la Kibühni a Cuira e quai è er sta l’ultim concert che Aita ha chantà cun ses bab. Dapi quella giada han Aita e Men chantà sco duo e fatg sur 100 concerts, en pitschens ravugls, ma er per festas dal 1. d'avust a la televisiun, a Paris cun ina gruppa da jazz o a München en la gronda Sedlmayerhalle en occasiun d'ina festa internaziunala da folclora. Bellas regurdanzas datti er dal festival da folk a Lenzburg en il giardin dal chastè.
Enturn il 1985 ha Men Steiner cumenzà a sunar culs Fränzlis e lura hai da ina lunga posa.