Ils 8 da settember 2006 vegn ad ir ellas annalas dil vischinadi da DanisTavanasa: Questa sera allas siat s’entaupan ils commmembers dils dus chors dil vitg da Danis-Tavanasa per decider l’aboliziun formala dallas uniuns. Il chor-baselgia s’entaupa ella ustria dalla Staziun, il chor mischedau ell’ustria Steila. In’ura pli tard ha liug ina tiarza sentupada. Allas 20.00 ha liug la radunonza da fundaziun dil Chor Uvriu Danis-Tavanasa. Commembras e commembers d’omisdus chors s’entaupan communablamein per instituir in niev capetel ella veta culturala dil vischinadi. Emprem dirigent dil chor Uvriu DanisTavanasa vegn Daniel Pally ad esser. Sco la suprastonza puntuescha vegn la nova formaziun a dar peisa alternond ton al cant ecclesiastic sco al profan.
