L’òrt
(Paolo Tomamichel – febbraio 2023)
Sandra Eberle-mandolino,violino,voci
Paolo Tomamichel-voce,chitarra,bouzuki,percussioni

Oh carìn, dài cüntum sü, in dal giardin cos’ ti metü giü?
In genàr se t’sè mia lócch, in da l’òrt a g’va giò nagott;
a fevràr l’è mia ‘n sbai nà fö in da l’òrt a mètt giò l’ai;
el més da marz fö in di praa, coi patati a g’né da fà.

Oh carìn, dài cüntum sü, in dal giardin cos’ ti metü giü?
El més d’aprìl l’è chéll bon: giò tomatis e peveròn;
carotol, zücch, el més da mag l’è el temp giüst anca pai rav;
barbabietol, ravanéi, el més da giügn l’è bon per chéi.

Oh carìn, dài cüntum sü, in dal giardin cos’ ti metü giü?
Més da lüi sóta el sóo, fasörìtt e cavolfioo;
va giò i còst al més d’agost, tra moschitt, zanzàr e mosch;
che cücagna, che gran gloria, per setembar ghem mò cicoria!

Oh carìn, dài cüntum sü, in dal giardin cos’ ti metü giü?
In otober prepara el lécc ai piantìn ch’i g’ha un po’ frécc;
a novembar sa pò provà cornìtt e tàcol seminà;
pö a dicembar va a possà: a l’è el temp per ciapà fiaa.

Ma prima da mètt i gamb sóta el tavol, a gh’è ‘na roba da fà:
la Natüra, el nost Signor a vörum ringrazià!